Interesting Facts : घड्याळात '11:11' वाजताच विष मागितल्याने खरंच हवं ते मिळतं का? ही अंधश्रद्धा की सत्य?

अमर उजालामध्ये दिलेल्या माहितीनुसार, 11:11 हा आकर्षणाच्या नियमाशी संबंधित भाग आहे. अशी मान्यता आहे की, जेव्हा तुम्ही घड्याळात ही वेळ पाहता तेव्हा विश्व तुमच्या इच्छा पूर्ण असते. त्या क्षणी तुम्ही जे काही मनापासून मागत असाल किंवा ज्याचा विचार करत असाल,ते लवकरच तुम्हाला मिळते. म्हणूनच कायम सकारात्मक विचार करावा असे आकर्षणाचा नियम सांगतो.

हल्ली 11 हा एक मास्टर नंबर मानला जातो. तो अंतर्ज्ञान आणि स्वतःमधील थेट संबंध असल्याचे मानले जाते. ही वेळ पाहून तुम्ही तुमच्या इच्छा आणि विचार प्रकट कराव्या असा विश्वाकडून एक संकेत असतो. यावेळी प्रकट केलेली इच्छा लवकर पूर्ण होते असे मानले जाते.

काही लोकांच्यामते, 11:11 हा जागृतीचा कॉल असतो. ही वेळ आपल्या जीवनाबद्दल जागरूक राहण्याची, आपल्या कृती आणि खऱ्या हेतूंशी जुळवून घेण्याची आठवण करून देते. यावेळी तुम्ही जाणीवपूर्वक विचार करून तुमचे स्वतःचे नशीब घडवू शकता.

अनेकांचा असा विश्वास आहे की, 11:11 ही वेळ देवदूतांचे किंवा दैवी शक्तींचे प्रतीक आहे. ही संख्या त्यांचे प्रेम, संरक्षण आणि मार्गदर्शन दर्शवते. ते आपल्याला आठवण करून देते की, तुम्ही एकटे नाही आहात आणि तुमचे ध्येय साध्य करण्यासाठी तुम्हाला पूर्ण पाठिंबा मिळेल.

याचे उत्तर तुम्ही कशावर विश्वास ठेवता यावर अवलंबून आहे. बरेच लोक म्हणतात की, त्यांच्या 11:11 च्या इच्छा पूर्ण झाल्या आहेत आणि ते या प्रथेलाच श्रेय देतात, ज्यामुळे त्यांना त्यांच्या मनापासून हव्या असलेल्या गोष्टी प्रत्यक्षात आणण्यास मदत झाली. जरी विज्ञान अजून 11:11 च्या गूढ बाजूला पाठिंबा देत नसले तरी, मानसशास्त्र केंद्रित संकल्पाची शक्ती मान्य करते. जेव्हा तुम्ही एखाद्या ध्येयाची तीव्रतेने कल्पना करता, तेव्हा ते प्रत्यक्षात आणण्यासाठी पावले उचलण्याची शक्यता जास्त असते. त्या अर्थाने, 11:11 ही वेळ कदाचित जादू नसून, मानसिकतेबद्दल अधिक आहे.