Weight Loss Tips : वजन कमी करायचंय, पेरू खावा की अ‍ॅव्होकाडो? योग्य निवडीने होईल वेट लॉस, इम्यूनिटीही वाढेल!

अ‍ॅव्होकाडोचे फायदे अनेक आहेत. मात्र बरेच लोक हे फळ महाग आहे म्हणून ते खाऊ शकत नाही. याउलट पेरू स्वस्त आहेत. मात्र त्याच्या फायद्यांबद्दल सोशल मीडियावर फारसं बोललं जास्त नाही. म्हणून बहुतांश लोकांना याबद्दल पुरेशी माहिती नाही. अ‍ॅव्होकाडो आणि पेरू हे दोन्हीही पोषक तत्वांनी समृद्ध फळे आहेत, ज्यांचे वेगवेगळे फायदे आहेत. चला पाहूया यापैकी कोणतं जास्त फायदेशीर.

पेरूचे गुणधर्म आणि फायदे : पेरू हे फायबर, अँटिऑक्सिडंट्स आणि व्हिटॅमिन सी ने समृद्ध असलेले उष्णकटिबंधीय फळ आहे. पेरू सहज उपलब्ध आणि परवडणारे आहेत. पेरूमध्ये कॅलरीज कमी असतात आणि व्हिटॅमिन सी जास्त असते. ते व्हिटॅमिन सीच्या दैनंदिन गरजेपेक्षा जास्त असते.

पेरूमध्ये फायबर, व्हिटॅमिन ए, फोलेट, पोटॅशियम आणि लाइकोपीनसारखे अँटीऑक्सिडंट्स देखील असतात. यातही गुलाबी पेरू जास्त फायदेशीर आहे. पेरू पचन सुधारतात, रोगप्रतिकारक शक्ती मजबूत करतात आणि शरीराचे मुक्त रॅडिकल्सपासून संरक्षण करतात.

अ‍ॅव्होकाडोचे गुणधर्म आणि फायदे : अ‍ॅव्होकाडोमध्ये निरोगी चरबी, पोटॅशियम, मॅग्नेशियम आणि व्हिटॅमिन ई असते. अ‍ॅव्होकाडो हे सोशल मीडियावर प्रचलित फळ आहे, मात्र ते खूप महाग आहे. अ‍ॅव्होकाडोमध्ये पेरूच्या तुलनेने जास्त कॅलरीज असतात.

अ‍ॅव्होकाडोमधील हेल्दी फॅट्स शरीरातील जळजळ कमी करण्यास आणि हृदयाचे आरोग्य सुधारण्यास मदत करतात. अ‍ॅव्होकाडो पोषक तत्वांनी समृद्ध असते. यामध्ये पोटॅशियम, मॅग्नेशियम, जीवनसत्त्वे के, ई आणि बी-कॉम्प्लेक्स आणि हेल्दी फॅट्स असतात.

वजन कमी करण्यासाठी कोणतं जास्त फायदेशीर : वजन कमी करायचे असेल तर पेरू जास्त फायदेशीर आहे. त्यात कॅलरीज कमी असतात आणि त्यात भरपूर फायबर असते. ते खाल्ल्याने तुम्हाला जास्त काळ पोट भरल्यासारखे वाटते आणि जास्त खाणे टाळता येते. यातील नैसर्गिक साखर, रक्तातील साखरेचे प्रमाण वेगाने वाढवत नाही. अ‍ॅव्होकाडो निरोगी असतात, परंतु पेरूपेक्षा त्यात कॅलरीज जास्त असतात.

रोगप्रतिकारक शक्ती वाढवण्यासाठी काय फायदेशीर : अ‍ॅव्होकाडोमध्ये व्हिटॅमिन सी भरपूर प्रमाणात असते. हे व्हिटॅमिन सी रोगप्रतिकारक शक्ती मजबूत करण्यास आणि कोलेजन तयार करण्यास मदत करते.

पेरू आणि अ‍ॅव्होकाडो दिन्हीही फळं फायदेशीर आहेत. मात्र तुमच्या शरीराची नेमकी गरज काय हे ओळखून तुम्ही यापैकी कोणतं खायचं हे निवडायला हवं.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.