Cholesterol Diet Plan: कोलेस्ट्रॉलच्या समस्येने त्रस्त आहात? मग आहारात करा 'हे' बदल, कमी होईल समस्या

कोलेस्टेरॉल वाढणं ही एक गंभीर समस्या आहे. कोलेस्टेरॉल हा रक्तात आढळणारा मेणचट किंवा चिकट पदार्थ असतो. लिव्हर कोलेस्टेरॉल तयार करतं किंवा तुम्ही जे पदार्थ खाता त्यापासून कोलेस्टेरॉल तयार होतं. आरोग्यासाठी कोलेस्टेरॉल गरजेचं आहे; पण जेव्हा त्याची पातळी वाढते तेव्हा गंभीर समस्या तयार होतात. शरीरात कोलेस्टेरॉलची पातळी जास्त वाढली तर हृदयविकार, स्ट्रोक किंवा हृदयविकाराचा झटका यांसारखे आजार होतात. वर्ल्ड हार्ट फेडरेशन अर्थात डब्ल्यूएचओएफच्या माहितीनुसार, हाय कोलेस्टेरॉलमुळे दर वर्षी 4.4 दशलक्ष जणांचा मृत्यू होतो. एकूण मृत्यूंपैकी हे प्रमाण 7.8 टक्के आहे.

डब्ल्यूएचएफने दिलेल्या माहितीनुसार, स्टेटिनसारखी काही औषधं कोलेस्टेरॉल कमी करण्यास किंवा त्यामुळे होणारं नुकसान कमी करण्यास मदत करतात; पण तुम्ही जीवनशैलीत सुधारणा करूनदेखील कोलेस्टेरॉलची वाढलेली पातळी कमी करू शकता.