Sweet food cravings: सतत गोड खावसं वाटतंय, आत्ताच व्हा सावध, असू शकतो ‘हा’ आजार

एका अहवालानुसार, जेव्हा आपण तणावात असतो किंवा मन निराश असतं किंवा सततच्या कामाच्या व्यापामुळे आपलं शरीर आणि मन हे दोन्हीही थकलेलं असतं तेव्हा आपला मेंदू आपल्याला गोड खाण्याचा संकेत देतो. किंबहुना असंही म्हटलं जातं की तणाव दूर करण्यासाठी काहीतरी गोड खाणं फायद्याचं आहे. गोड पदार्थ किंवा साखर खाल्ल्यामुळे आपल्या मेंदूतून डोपामाईन नावाचं रसायन बाहेर पडतं, ज्यामुळे नैराश्येचं मळभ दूर होऊन आपल्याला आनंद होतो आणि आपला मूड चांगला होतो. त्यामुळे अनेकांना मूड चांगला करण्यासाठी गोड खाण्याची सवय लागते. जी भविष्यात धोक्याची ठरू शकते. त्यामुळे तुम्हालाही अशी गोड खाण्याची सवय लागली असेल, तर हे 6 सोपे पर्याय वापरून पाहा. तुम्हाला नक्कीच फायदा होऊ शकेल.

1) पर्याय निवडा :  जर तुम्हाला सतत गोड काहीतरी खाण्याची इच्छा होत असेल त्या पदार्थात साखरेचं प्रमाण जास्त असेल तर त्या पदार्थांना पूरक पर्याय निवडा. उदा. जर तुम्हाला खीर, बासुंदी किंवा चॉकलेट खाण्याची इच्छा होत असेल तर त्याऐवजी फळं, सुकामेवा, गुळ किंवा मधाचं सेवन करा. म्हणजे तुमची गोड खाण्याची इच्छाही पूर्ण होईल आणि तुमच्या रक्तातलं साखरेचं प्रमाणही नियंत्रणात राहू शकतं.