Covishield मुळे आधीच टेन्शन आलेलं असताना, आता आणखी एका कंपनीने माघारी बोलावली कोविड लस

मुंबई : यूकेतल्या अ‍ॅस्ट्राझेनेका कंपनीने कोविड महामारीच्या काळात लस तयार केली होती. जगभरातल्या अनेक देशांमध्ये ही कोविड प्रतिबंधक लस देण्यात आली होती. आता या कंपनीने कोर्टात कबूल केलं आहे की, या कोविड प्रतिबंधक लशीमुळे रक्त गोठण्याशी संबंधित दुर्मिळ वैद्यकीय स्थिती उद्भवू शकते. ब्रिटिश माध्यमांनी 29 एप्रिल रोजी याबाबत वृत्त प्रसिद्ध केलं होतं. तेव्हापासून जगभरात गोंधळ उडाला आहे. कंपनीवर जगभरातून टीका होत आहे. त्यानंतर ब्रिटिश फार्मास्युटिकल कंपनी असलेल्या अ‍ॅस्ट्राझेनेकाने जगभरात कोविड-19 प्रतिबंधक लशीची विक्री थांबवण्याचा निर्णय घेतला आहे.