स्वस्तात करा खरेदी, ब्लाऊज पॅच आणि लटकन फक्त 50 रुपयांपासून, मुंबईतील हे ठिकाण माहितीये का?

दादर स्थानकापासून अवघ्या 10 मिनिटांच्या अंतरावर असणाऱ्या वैष्णवी कलेक्शनमध्ये तुम्हाला हे सगळे ब्लाऊजचे सामान मिळेल. ज्यामध्ये अगदी सोनेरी, पांढरा, लाल, पिवळा, निळा अशा सगळ्या रंगांमध्ये हे मोत्यांचे लटकन उपलब्ध आहेत. ब्लाऊजच्या बॅकला लावण्यासाठीच्या सुंदर डिझाईन तर खूप आहेत. सुंदर घागऱ्याचे लटकन सुद्धा तुम्हाला अगदी 350 पर्यंत मिळून जातील. ब्लाऊज पासून ते अगदी घागऱ्याच्या स्कर्टला लावणारे ट्रेंडिंग सुंदर लटकन अगदी 50 रुपयांपासून इथे उपलब्ध आहेत.

अनेक मुली लग्नात त्यांच्या रिसेप्शनच्या वेळेला जो लाल कलरचा घागरा घालणे प्राधान्य देतात त्याच्या ब्लाऊजला असणाऱ्या लटकन सुद्धा इथे खूप व्हरायटी उपलब्ध आहे. ज्यामध्ये सौभाग्यवती भव, दूल्हे की दुल्हनिया असे शब्द लिहिलेले आहेत. लेसमध्ये सुद्धा इथे 100 हून अधिक प्रकार तुम्हाला मिळतील. यांची किंमतही फक्त 100 रुपयांपासून सुरू होते. यात तुम्हाला अगदी काठापदराच्या लेसपासून डिझाईन एबल ट्रेंडिंग लेसपर्यंत सगळ्या गोष्टी उपलब्ध आहेत.

सुंदर रखुमाई आणि विठ्ठलाचे ब्लाऊज पॅच सुद्धा इथे उपलब्ध आहेत. त्यासोबतच जय मल्हार, सौभाग्यवती, कारभारीन असे सुंदर पॅच सुद्धा इथे मिळतील. ज्यांची किंमत साधारण 200 ते 500 पर्यंत आहे.

'माझ्याकडे लटकन, लेस आणि पॅच या सगळ्या गोष्टी होलसेल आणि रिटेल दोन्ही भावात मिळतात. अनेक जणी माझ्याकडे साडी घेऊन येतात आणि त्याला मॅचिंग असे पॅच किंवा लटकन मागतात. तुम्हाला हव्या असणाऱ्या कोणत्याही रंगाच्या पॅच किंवा लटकन माझ्याकडे हमखास मिळतात' असे वैष्णवी कलेक्शन याच्या दुकानदाराने सांगितले.