फक्त 3 मिनिटांत जोडलं जाईल मोडलेलं हाड; आता प्लेट-रॉडची गरज नाही, वैज्ञानिकांनी तयार केला ‘बोन ग्लू’

मुंबई : कधी लहान मुलांचं खेळताना हाताचं किंवा पायाचं हाड सटकणं हे सामान्य झालं आहे. तर मोठ्या माणसांसोबत देखील अनेकदा असे काही प्रकार घडतात. हाड मोडणे ही शरीरासाठी मोठी समस्या असते. एकदा हाड मोडलं की ते पुन्हा नीट जोडण्यासाठी अनेक महिने लागतात. त्यात प्लास्टर, औषधं, काही वेळा सर्जरी या सगळ्या प्रक्रिया पार कराव्या लागतात. जर फ्रॅक्चर गंभीर असेल तर डॉक्टरांना प्लेट, रॉड आणि स्क्रू बसवावे लागतात. ही सर्जरीही काही तास चालते आणि हाडं पूर्ण बरी व्हायला खूप वेळ लागतो. विशेषतः वय वाढल्यानंतर हाडं कमकुवत होतात आणि छोट्या धक्क्यातही ती मोडण्याचा धोका जास्त असतो.