महिला-पुरुष दोघांना होतो हा आजार, पण पुरुषांचे थेट जीवच घेतो, संशोधनात धक्कादायक माहिती समोर

हा अभ्यास जर्नल ऑफ अमेरिकन हार्ट असोसिएशनमध्ये प्रकाशित झाला आहे, ज्यामध्ये 2016 ते 2020 पर्यंत सुमारे दोन लाख अमेरिकन लोकांवर संशोधन करण्यात आलं. अभ्यासानुसार एक असा आजार ज्यामुळे होणाऱ्या मृत्यूचं प्रमाण पुरुषांमध्ये महिलांपेक्षा दुप्पट आहे.

संशोधनातून असे दिसून आले की हा आजार 61 वर्षांपेक्षा जास्त वयाच्या लोकांसाठी खूप घातक आहे. त्याच वेळी, 46 ते 60 वर्षे वयोगटातील लोकांना 31 ते 45 वर्षे वयोगटातील तरुणांच्या तुलनेत हा आजार होण्याची शक्यता 2.6 ते 3.25 पट जास्त असल्याचे आढळून आलं.

यामुळे छातीत दुखणं, श्वास घेण्यास त्रास होणं, हृदयाचे ठोके वाढणं आणि अनेक प्रकरणांमध्ये अनियमित हृदयाचे ठोके अशी लक्षणं देखील दिसून येतात. जर वेळेवर उपचार केले नाहीत तर अनेक समस्या उद्भवू शकतात. या कारणांमुळे मृत्यू देखील होऊ शकतो.

अभ्यासाचे लेखक डॉ. मोहम्मद रजा मोवाहेद हे इंटरव्हेंशनल कार्डिओलॉजिस्ट आणि अ‍ॅरिझोना विद्यापीठाच्या सर्वर हार्ट सेंटरमध्ये प्राध्यापक आहेत. ते म्हणाले की, टाकोत्सुबो कार्डिओमायोपॅथी हा एक अतिशय गंभीर आजार आहे, ज्यामध्ये मृत्यूचा धोका खूप जास्त असतो. ते म्हणाले की या आजारामुळे मृत्यूचे प्रमाण सतत वाढत आहे, ही एक गंभीर परिस्थिती आहे. त्याच्या उपचारांसाठी संशोधनाची मागणी त्यांनी केली आहे.