Coronavirus JN.1 Variant - तुम्ही घेतलेली लस कोरोनाच्या जेएन.1 व्हेरिएंटवर प्रभावी आहे? WHO म्हणालं...

काही महिन्यांनंतर देशात पुन्हा एकदा कोरोनाचे रुग्ण वाढू लागले आहेत. अ‍ॅक्टिव्ह रुग्णांची संख्या 2669 वर पोहोचली आहे. गेल्या एका आठवड्यापासून रोज सक्रिय रुग्णसंख्येत वाढ होत आहे. जेएन.1 हा कोरोनाचा सब व्हॅरिएंट रुग्णसंख्या वाढीसाठी कारणीभूत ठरत असल्याचं दिसून आलं आहे. हा व्हॅरिएंट आल्यापासून यंत्रणांची चिंता वाढली आहे. सरकारचे एक्सपर्ट, मायक्रोबायोलॉजी विभागाची टीम आणि जीनोम सिक्वेन्सिंग करणाऱ्या प्रयोगशाळा या व्हॅरिएंटसंदर्भात काम करत आहेत. जागतिक आरोग्य संघटना अर्थात डब्ल्यूएचओ ने जेएन.1 ला व्हॅरिएंट ऑफ इंटरेस्ट मानलं आहे; पण या व्हॅरिएंटपासून गंभीर धोका नाही, असं म्हटलं आहे; पण जगभरात या व्हॅरिएंटमुळे वाढत असलेली रुग्णसंख्या सामान्य नक्कीच नाही.