OMG! करवंटीपासून बनवली बुलेट, अशा भन्नाट वस्तूंचा Video तुम्ही कधी पहिला नसेल

डोंबिवली, 24 ऑगस्ट : बहुउपयोगी असणाऱ्या नारळाला 'कल्पवृक्ष' म्हणूनच ओळखलं जातं. आज जागतिक नारळ दिन साजरा होत आहे. आपण नारळाच्या अनेक वस्तू पाहिल्या असतील. पण एखादी कला उपजत अंगी असणं ही दैवी देणगी आहे. आवड असली की सवड मिळते ही म्हण कलाकारांना अगदी तंतोतंत लागू पडते. ते वेगवेगळ्या माध्यमातून आपली कला सर्वांसमोर मांडतात. डोंबिवलीजवळच्या ठाकुर्लीमध्ये राहणाऱ्या मोहन शेट्टी यांनी नारळाच्या कडक करवंटीपासून वेगवेगळ्या 90 वस्तू तयार केल्या आहेत.  त्यांच्या या वस्तू सर्वांचं आकर्षण ठरत असून अनेक जण या वस्तू पाहण्यासाठी त्यांच्या दुकानात येतात.