तुम्ही पण गरम-गरम चहा पिता का? मग हा धोक्याचा इशारा, संशोधनातून समोर आलं गरम पेयामागचं सत्य

अन्ननलिकेच्या कर्करोगाचे दोन मुख्य प्रकार असतात

तज्ज्ञ सांगतात की, चहा स्वतःहून हानिकारक नाही, पण तो अतिशय गरम असल्यामुळे समस्या उद्भवतात. चहा, कॉफी किंवा सूप हे सर्व पेय जर खूप गरम असताना गिळले, तर ते नलिकेचं नुकसान करतात. आयुर्वेदात सुद्धा सांगितलं आहे की, अन्न किंवा पेय ना खूप गरम, ना खूप थंड असावं. गरम पेय पचनासाठी मदत करतात, पण तापमान जास्त असल्यास ते पित्त वाढवतात, ज्यामुळे शरीरात सूज आणि इतर रोग उद्भवू शकतात.

जर एखाद्या व्यक्तीला सतत गिळताना त्रास होत असेल, घसा दुखत असेल, खवखवत असेल, आणि त्यासोबत वजन झपाट्याने कमी होत असेल, तर ही लक्षणे गंभीर असू शकतात. अशावेळी त्वरित डॉक्टरांचा सल्ला घ्यावा.

‘हेल्थलाइन’च्या अहवालानुसार, फक्त गरम चहा पिणं कर्करोगाचं थेट कारण नाही. पण जर एखादा व्यक्ती अतिगरम चहा, धूम्रपान आणि मद्यसेवन हे सर्व एकत्र करतो, तर त्याचा धोका निश्चितच वाढतो. अधूनमधून थोडा गरम चहा घेतल्याने काही धोका नसतो. त्यामुळे घाबरण्याचं कारण नाही, पण सवयीनं अतिगरम चहा पिणं टाळावं. सध्या या विषयावर अजूनही संशोधन सुरू आहे, त्यामुळे निश्चित निष्कर्षासाठी अधिक माहितीची आवश्यकता आहे.