अरेबिक कुनाफा आता पुण्यात; एकाच ठिकाणी घ्या 10 प्रकारचा आस्वाद

पिंपरी चिंचवड मधील पिंपळे सौदागर भागात असणाऱ्या कुनाफा लॉन्ग या ठिकाणी तुम्हाला 10 वेगवेगळे कुनाफा मिळतात. गोड सरबत, कुरकुरीत काजू आणि नाजूक पेस्ट्री पीठ यांच्या परिपूर्ण मिश्रणासह बनवलेला हा कुनाफा हा पिंपरी चिंचवडकरांचा आवडीचा विषय ठरत आहे. यामध्ये लोटस कुनाफा, ओरिओ कुनाफा, बाऊंटी कुनाफा, कॅरेमल कुनाफा, चीज कुनाफा, न्यूटला कुनाफा, किटकॅट कुनाफा, पिस्टचो कुनाफा, न्यूट्टी कुनाफा, स्निकर कुनाफा या प्रकारचे कुनाफा मिळतात.

हा कुनाफा बनवण्यासाठी 2 कप शेवया दूध, साखर, कोर्नफ्लोर, काजू, बदाम, मनुके, पिस्ता, ऑरेंज फूड कलर, गुलाब जल, बटर, साजूक तूप हि सामग्री लागते. कुनाफा लॉन्ग मध्ये 10 पद्धतीचे कुनाफा मिळत असून पिंपरीचिंचवड मधील हे पाहिलं दुकान असून या ठिकाणी उत्कृष्ट चवीचे कुनाफा मिळतील. या कुनाफाची किंमत ही 200 रुपयांपासून 400 रुपये आहे. या ठिकाणी कॉलेजवयीन मुलं मुनाफ खाण्यासाठी आवर्जून येतात, असं कुनाफा लॉन्गचे मालक निशांत यांनी सांगितलं.

पूर्वी सीरियाचा भाग असलेल्या आणि अरबी लोकसंख्या मोठ्या प्रमाणात असलेल्या तुर्कीच्या प्रदेशात कच्च्या दुधापासून बनवलेला पदार्थ असून याला भारत आणि जगभरात फार मागणी असल्याचं देखील त्यांनी म्हटलंय .