Modak Recipe: 5 ते 7 मिनिटांत बनवा 'नो कूक मोदक'! बाप्पाच्या नैवेद्याचा सुटेल प्रश्न

छत्रपती संभाजीनगर : गणेश चतुर्थीच्या दिवशी घरोघरी आपल्या सर्वांच्या लाडक्या बाप्पाचं आगमन झालं आहे. गणपतीला मोदक खूप आवडतात, असं म्हटलं जातं. त्यामुळे बाप्पाला आपण सर्वजण अगदी आवडीने मोदकांचा नैवेद्य दाखवतो. यासाठी तळणीचे मोदक किंवा उकडीचे मोदक वापरले जातात. यावर्षी तुम्हाला बाप्पासाठी नवीन पद्धतीचे मोदक तयार करण्याची इच्छा असेल तर 'कोकोनट आणि ड्रायफ्रुट' हा चांगला पर्याय ठरू शकतो. हे मोदक अगदी झटपट बनवून तयार होतात. विशेष म्हणजे यासाठी तुम्हाला गॅसचा वापर करण्याची देखील गरज नाही. कमी साहित्यात कोकोनट आणि ड्रायफ्रुट मोदक कसे तया करायचे, याची रेसिपी सांगितली आहे ऋतुजा पाटील यांनी.