Ganesh Chaturthi 2025: बाप्पासाठी आता घरपोहोच मिळणार खास मोदक, मुंबईत अनोखा महोत्सव, कशी करायची नोंदणी?

मुंबई: यंदा 27 ऑगस्ट रोजी गणरायाचं आगमन होत आहे. त्यामुळे सध्या सर्वत्र गणपती बाप्पाच्या आगमनाच्या तयारीला वेग आला आहे. दरवर्षीप्रमाणे यंदाही मोदकांची मागणी मोठ्या प्रमाणावर असणार आहे. आपल्या लाडक्या बाप्पाच्या नैवेद्यासाठी चविष्ट व पारंपरिक पद्धतीने बनवलेले मोदक उपलब्ध करून देण्यासाठी मुंबईत एक उपक्रम हाती घेण्यात आला आहे. बृहन्मुंबई महानगरपालिका (बीएमसी) अर्थसहाय्यित महिला बचत गटांमार्फत 'मोदक महोत्सव 2025'चं आयोजन करण्यात आलं आहे.