Kitchen Tricks : हिवाळ्यात भांडी घासणं होईल सोपं, होणार नाही थंड पाण्याचा त्रास! ट्राय करा 'ही' ट्रिक

मुंबई : हिवाळा सुरू होताच आपल्या दैनंदिन आयुष्यातील लहान-लहान कामेही कठीण होऊ लागतात. त्यापैकीच एक काम म्हणजे भांडी घासणे. विशेषतः पाणी खूप थंड असताना हातांनी भांडी घासतांना थंडीने आपले हाल होतात. अनेकदा थंडी सहन न झाल्याने काम अर्ध्यातच थांबवावे लागते. जर तुम्ही हिवाळ्यात भांडी घासण्यासाठी गरम पाणी वापरण्याचा विचार करत असाल, तर ते नेहमी शक्यच असेल असे नाही. कधी घरात गरम पाण्याची सोय नसते, तर कधी पाणी लगेचच थंड होते. अशा वेळी सतत थंड पाण्यात हात राहतात. मात्र ते आरोग्यासाठी योग्य नाही.