ट्रेनमध्ये तुमची आरक्षित सीट दुसऱ्याने बळकावलीय? लगेच करा 'हे' काम, मिनिटांत सीट रिकामी होईल!

सर्वात आधी तुम्हाला टीटीईकडे तक्रार करावी लागेल. जर तुम्हाला टीटीई सापडला नाही, तर तुम्ही रेल्वे ॲपवर तक्रार करू शकता. किंवा असं करा... आधी तुम्हाला 'रेल मदत' ॲप डाउनलोड करावं लागेल. तुमच्या मोबाईल नंबरने "Send OTP" बटणावर क्लिक करा. मोबाईलवर आलेला ओटीपी आणि तुमचा पीएनआर नंबर टाका. त्यानंतर "Type" पर्यायावर क्लिक करून तुमच्या तक्रारीचा प्रकार निवडा. त्यानंतर घटनेची तारीख निवडा. यानंतर, तुमची तक्रार सविस्तर लिहा आणि "Submit" बटणावर क्लिक करा. अशा प्रकारे तुमची तक्रार रेल्वेपर्यंत पोहोचेल.

रेल्वे प्रशासनाने सांगितलं आहे की, जर एखाद्या प्रवाशाची आरक्षित सीट किंवा बर्थ दुसऱ्या कोणीतरी बेकायदेशीरपणे बळकावला असेल, तर सर्वप्रथम संबंधित ट्रेनच्या टीटीईला माहिती द्यावी. जर तुम्ही ऑनलाईन तक्रार दाखल करू शकत नसाल, तर अशा परिस्थितीत तुम्ही रेल्वे हेल्पलाइन नंबर 139 वर कॉल करूनही तक्रार नोंदवू शकता.

तिकीटाशिवाय प्रवास करणे हा भारतीय रेल्वेमधील सर्वात सामान्य गुन्ह्यांपैकी एक आहे. जर कोणी तिकीटाशिवाय प्रवास करताना पकडला गेला, तर त्याला प्रवास केलेल्या अंतरावर अवलंबून तिकीटाच्या किंमतीसह 250 रुपये दंड भरावा लागेल. जर अटक केलेल्या व्यक्तीकडे पैसे नसतील किंवा त्याने दंड भरण्यास नकार दिला, तर त्याला आरपीएफकडे (रेल्वे संरक्षण दल) सुपूर्द केलं जाईल आणि त्याच्याविरुद्ध रेल्वे कायद्याच्या कलम 137 अंतर्गत गुन्हा दाखल केला जाईल. आरपीएफ या प्रवाशांना दंडाधिकाऱ्यासमोर हजर करेल, जिथे 1000 रुपयांपर्यंत दंड आकारला जाऊ शकतो. दंड न भरल्यास 6 महिन्यांपर्यंत तुरुंगवासही होऊ शकतो.