Holi 2024: नवऱ्याची भांग कशी उतरवायची? 5 लय भारी उपाय

बोकारो : होळीनिमित्त सर्वत्र उत्साहाचं वातावरण आहे. होळीच्या आगीत सर्व राग, रुसवे आणि मतभेदांचं दहन केल्यानंतर धूलिवंदनाला सर्वजण आनंदाने एकमेकांना रंग लावतील. या रंगांच्या खेळात अनेकजण भांग पितात. आता ही जणू बऱ्याच वर्षांची परंपरा झाली आहे. परंतु धूलिवंदनाच्या सणाला लोकांच्या आनंदाला काही पारावार उरलेला नसतो, अशात जास्त प्रमाणात भांग पोटात गेल्यास आरोग्याचं नुकसान होऊ शकतं. त्यामुळे मानसिक तणाव, निद्रानाश, इत्यादी समस्यांना सामोरं जावं लागू शकतं. याबाबत डॉक्टर काय सांगतात पाहूया.

आयुर्वेदिक डॉक्टर राजेश पाठक यांनी दिलेल्या माहितीनुसार, भांग प्यायल्यानंतर तिची नशा दूर करण्यासाठी नारळपाणी रामबाण मानलं जातं. कारण त्यामुळे पोटाला गारवा मिळतो आणि मन शांत होतं. भांग प्यायल्यामुळे बऱ्याचदा व्यक्ती अस्वस्थ होते. तेव्हा दोन लिंबांचा रस आणि चमचाभर मीठ मिसळून ग्लासभर पाणी प्यायल्यास आराम मिळतो.