नोकरीच तरुणांचं आरोग्य बिघडवते, संशोधनात झालं स्पष्ट! तज्ज्ञांनी दिला 'हा' महत्त्वाचा सल्ला
- Published by:Arjun Nalavade
Last Updated:
नवीन संशोधनानुसार, नोकरी सुरू केल्यानंतर तरुणांमध्ये शारीरिक हालचालींची मोठी घट होते आणि झोपेचे प्रमाणही कमी होते. विशेषतः मॅनेजमेंट आणि प्रोफेशनल्समध्ये हा परिणाम दिसून येतो. वर्क फ्रॉम होम करणाऱ्यांमध्ये हा धोका अधिक असल्याचे आढळले. आरोग्य चांगले ठेवण्यासाठी नियमित शारीरिक हालचाल आवश्यक असल्याचे तज्ज्ञ सांगतात.
तरुणाई चांगली नोकरी मिळवण्याचं स्वप्न पाहते. अनेक वर्षं नोकरी मिळवण्यासाठी कठोर मेहनत करतात आणि जेव्हा नोकरी मिळते, तेव्हा ते आनंदी होतात. मात्र, त्यांचा आनंद फार काळ टिकत नाही, कारण काही वर्षांनंतर बहुतेक तरुणांना आरोग्याच्या समस्या सुरू होतात. एका नवीन अभ्यासात असं समोर आलं आहे की, नोकरी करणाऱ्या तरुणांच्या काही सवयी बदलतात, ज्याचा थेट परिणाम त्यांच्या आरोग्यावर होतो. यामुळे तरुण वयातच आजारांना बळी पडू लागतात. या संशोधनात आश्चर्यकारक गोष्टी समोर आल्या आहेत.
या नोकरदार लोकांच्या बाबतीत हे घडतं
ब्रिटनच्या केंब्रिज विद्यापीठातील शास्त्रज्ञांनी एका नवीन अभ्यासात दावा केला आहे की, नोकरी सुरू केल्यानंतर तरुणांची शारीरिक क्रियाशीलता लक्षणीयरित्या कमी होते आणि झोपही कमी होते. यामुळे त्यांना आरोग्याशी संबंधित समस्या सुरू होतात. संशोधनानुसार, जेव्हा तरुण व्यावसायिक जीवन सुरू करतात, तेव्हा सुरुवातीला शारीरिक क्रियाशीलता वाढते, पण कालांतराने ती लक्षणीयरित्या कमी होते. यामुळे आरोग्याच्या गंभीर समस्या निर्माण होतात. हे सर्व लोकांच्या बाबतीत लागू होत नाही, परंतु जे लोक व्यवस्थापन किंवा व्यावसायिक पदांवर काम करतात त्यांच्या बाबतीत असं घडतं.
advertisement
सक्रिय राहणं अत्यंत महत्त्वाचं
शास्त्रज्ञांच्या मते, जे तरुण जास्त शारीरिक क्रियाशील असतात. ते गाडी चालवणे, केशभूषा करणे, साफसफाई करणे, वेटिंग किंवा तांत्रिक नोकऱ्यांसारखी कामं करतात. तर व्यवस्थापन आणि व्यावसायिक लोक शारीरिक क्रियाशीलतेत खूप कमी गुंतलेले असतात. केंब्रिज विद्यापीठातील मेडिकल रिसर्च कौन्सिलच्या तज्ज्ञ एलेना ऑक्सनहॅम म्हणाल्या की, जर आपल्याला आयुष्यभर निरोगी राहायचं असेल, तर शारीरिकदृष्ट्या सक्रिय राहणं महत्त्वाचं आहे.
advertisement
नोकरीमुळे झोपेवर परिणाम झाला
घरातून काम करणाऱ्या लोकांना तज्ज्ञांनी त्यांच्या दिनचर्येत शारीरिक क्रियाशीलतेचा समावेश करण्याचा सल्ला दिला आहे. कामाआधी, नंतर किंवा जेवणानंतर चालण्यासाठी नक्की जा. या अभ्यासात 16-30 वयोगटातील 3000 हून अधिक लोकांच्या डेटाचं विश्लेषण करण्यात आलं होतं. या सर्वांनी 2015 ते 2023 दरम्यान पहिल्यांदा नोकरी सुरू केली होती. इंटरनॅशनल जर्नल ऑफ बिहेवियरल न्यूट्रिशन अँड फिजिकल ॲक्टिव्हिटीमध्ये प्रकाशित झालेल्या निकालांनुसार, नोकरी सुरू केल्यानंतर सरासरी 28 मिनिटे शारीरिक क्रियाशीलता वाढली. मात्र, नंतर ती कमी झाली. तसेच, झोपही सुमारे 10 मिनिटांनी कमी झाली.
advertisement
हे ही वाचा : खरंच हिरवी मिरची खाल्ल्याने शुगर कमी होते? संशोधनात सिद्ध झाली धक्कादायक बाब, त्वरित समजून घ्या
हे ही वाचा : Smartphone in toilet: टॉयलेटमध्ये घेऊन जाता मोबाईल ? आत्ताच सुधारा ‘ही’ वाईट सवय, अन्यथा होतील भयंकर आजार
Location :
Mumbai,Maharashtra
First Published :
January 29, 2025 2:04 PM IST
मराठी बातम्या/लाइफस्टाईल/हेल्थ/
नोकरीच तरुणांचं आरोग्य बिघडवते, संशोधनात झालं स्पष्ट! तज्ज्ञांनी दिला 'हा' महत्त्वाचा सल्ला
