Papaya : उन्हाळ्यात अशी घ्या पोटाची काळजी, पचनक्रिया राहिल ठणठणीत

मुंबई : उन्हाळ्यात अनेकदा पोट खराब होतं. खाण्याच्या छोट्या छोट्या सवयींचाही आरोग्यावर मोठा परिणाम होतो. सकाळचा नाश्ता चांगला असेल तर पोटाचं आरोग्यही चांगलं राहील, पण नाश्ता योग्य नसेल तर पोट बिघडण्याची शक्यता जास्त असते. न्याहारीत पपई खाल्ल्यानं पोटातील घाण निघून जाते आणि पचनक्रिया सुलभ होते. पपईमध्ये फायबर आणि पाण्याचं प्रमाण जास्त असतं, यामुळे आतड्यांची हालचाल सुलभ करण्यासाठी आणि बद्धकोष्ठतेपासून मुक्त होण्यासाठी पपईचा उपयोग होतो.