Fashion Jugaad : संपूर्ण साडी नीट नेसून झाली, पण पदराची अशी एक प्लेट बाहेर आली तर काय करायचं?

संपूर्ण साडी नेसून झाल्यावर पदराचं एक टोक जरी बाहेर आलं तरी संपूर्ण मेहनत वाया गेल्याचं फिलिंग येतं. आता परत पदर सोडावा लागणार, पुन्हा प्लेटिंग करावी लागणार असं वाटतं. आधीच इतक्या मेहनतीने साडी नेसलो, इतका वेळ गेला. आता संपूर्ण साडी नीट आहे फक्त पदराच्या एक टोकासाठी पुन्हा वेळ नाही. पण डोंट वरी. आम्ही तुम्हाला आता अशी ट्रिक दाखवणार आहोत की पदर पुन्हा न काढता तुम्ही साडीचं हे बाहेर आलेलं टोक किंवा प्लेट फिक्स करू शकता.

अगदी सोपी आणि साधी अशी ही पद्धत आहे. तुम्हाला करायचं काय आहे तर पदराची जे प्लेट बाहेर आली आहे त्याच्या वरच्या प्लेट मानेच्या दिशेने फोल्ड करून घ्या. आता जी प्लेट बाहेर आली आहे. ती आतल्या बाजूने फोल्ड करा आणि त्यावर सेफ्टी पिन लावा. आता त्याच्या वरच्या प्लेट ज्या आपण मानेच्या दिशेने दुमडल्या होत्या त्या पुन्हा या पदरावर सोडा. तुम्ही स्वतःच पाहाल की ते बाहेर आलेलं टोक आत गेलं, बिलकुल दिसत नाही आहे.