नकली मेकअप प्रॉडक्ट कसं ओळखाल; एकाच गोष्टीतून सर्व संशय होईल दूर!

पुणे, 21 ऑगस्ट :   कॉस्मेटिक्स हा प्रत्येकाच्या जिव्हाळ्याचा विषय झाला असल्याने सौंदर्य प्रसाधनांचे मार्केट खूप प्रचंड वाढले आहे. एखाद्या लहान शहरातही कॉस्मेटिक्स उद्योगात महिन्याकाठी कित्येक करोडोंची उलाढाल होत असते. जिथे पैसे तिथे बनावटी व्यवहार आपसूकच येतात. त्यामुळे सौंदर्य प्रसाधनांमध्येही अलिकडच्या काळात खूपच मोठ्या प्रमाणावर बनावटीचे प्रकार घडत आहेत. त्यामुळे आपण एवढे पैसे मोजून घेतलेले सामान नकली निघू नये, यासाठी आता ग्राहकांनीच सतर्क राहणे गरजेचे झाले आहे.  ही बनावट कशी ओळखावी याबाबत पुण्यातल्या प्रसिद्ध मेकअप आर्टिस्ट ऋतुजा आल्हाट यांनी महत्त्वाच्या टिप्स दिल्या आहेत.