नवरा की मुलं? महिलांना सगळ्यात जास्त 'ताप' कुणाचा असतो? संशोधनातून झालं उघड

Published by:Priya Lad

Last Updated:June 16, 2025 3:21 PM IST

Husband or children who headache for women : विवाह आणि पालकत्वातील ताणतणावांबाबत एक सर्वेक्षण करण्यात आलं. पती की मुलं कोण महिलांसाठी जास्त समस्या निर्माण करतात? याचा अभ्यास करण्यात आला आणि याचा निष्कर्ष आश्चर्यकारक आहे.

नवी दिल्ली : नोकरी आणि घर सांभाळणं म्हणजे महिलांसाठी तारेवरची कसरत असते. स्वतः करून घरातील माणसांसाठीही सगळं करावं लागतं. पती आणि मुलं दोघंही महिलांवर अवलंबून असतात. काही वेळा तर पती मुलांच्याही पुढचे असतात. पण या दोघांपैकी महिलांना सगळ्यात जास्त ताण कुणाचा असतो, याचा तुम्ही कधी विचार केला आहे का? याबाबत संशोधन करण्यात आलं आणि त्यातून मोठी माहिती समोर आली आहे.

अलिकडेच अमेरिकन याबाबत सर्वेक्षण झालं. एनबीसी न्यूज आणि टुडेने हे सर्वेक्षण केलं. या सर्वेक्षणात 7000 हून अधिक मातांशी बोलण्यात आलं. अभ्यासात असं आढळून आलं की महिलांची सरासरी ताण पातळी 10 पैकी 8.5 पर्यंत पोहोचली आहे.

घरातील जबाबदाऱ्यांचं असमान वाटप : जवळजवळ 75% महिलांनी सांगितलं की त्यांच्यावर घरकाम आणि मुलांचे संगोपन करण्याची बहुतेक जबाबदारी आहे. हे असंतुलन त्यांना मानसिक आणि शारीरिकदृष्ट्या थकवतं.

नवरा म्हणजे मोठं मूल : बऱ्याच स्त्रिया त्यांच्या पतींना 'दुसरं मूल' असं संबोधत असत. जेव्हा पती त्यांच्या जबाबदाऱ्या पूर्ण करत नाहीत तेव्हा महिलांना वाटतं की त्यांची भूमिका फक्त काळजी घेण्यापुरती मर्यादित आहे.

Relationship : लिव्ह इन रिलेशनशिप झालं जुनं आता आली नॅनोशिप, नात्याचा हा नवा प्रकार काय?

आधार आणि वेळेचा अभाव : पाचपैकी एका महिलेने तक्रार केली की त्यांना त्यांच्या पतीकडून पुरेसा पाठिंबा मिळत नाही. यामुळे त्यांची दैनंदिन कामे करण्याची क्षमता कमी होते आणि त्यांचा ताण वाढतो.

घर विरुद्ध ऑफिस : पेन स्टेट युनिव्हर्सिटीच्या एका अभ्यासातून असे दिसून आले आहे की महिलांना ऑफिसपेक्षा घरी जास्त ताण येतो. UCLA च्या संशोधनातून असंही दिसून आलं आहे की जेव्हा त्यांच्या पत्नी आराम करत असतात आणि काम करत असतात तेव्हा पतींचा ताण कमी होतो. दुसरीकडे, जेव्हा त्यांचे पती घरकामात मदत करतात तेव्हा महिलांचा ताण कमी होतो.

मानसिक भार जो दृश्यमान नाही : तो म्हणजे घरकाम आणि कुटुंबाच्या कामात महिलांना सहन करावी लागणारी मानसिक आणि भावनिक जबाबदारी. संशोधनात असं आढळून आलं आहे की महिला घराचे आणि मुलांचे सर्व नियोजन स्वतः करतात, ज्यामुळे त्यांचा भावनिक थकवा वाढतो.

'जुनी बायको आणा, नवीन घेऊन जा', अजब ऑफर, जाहिरातीचं पोस्टर VIRAL

सर्वेक्षणातून असे दिसून आलं आहे की महिलांना मुलांपेक्षा त्यांच्या पतींमुळे जास्त ताण येतो. आश्चर्याची गोष्ट म्हणजे 46% महिलांनी कबूल केलं की त्यांचे पती त्यांच्या मुलांपेक्षा जास्त ताण देतात.

महिला तणाव कसा कमी करू शकतात?

- तुमच्या जोडीदाराशी तुमच्या भावना आणि अपेक्षांबद्दल शांतपणे बोला. हे नाते सुधारण्यासाठी पहिले पाऊल असू शकते.

-जबाबदारी समान प्रमाणात वाटून घ्या. घरातील कामे आणि मुलांचे संगोपन वाटून घ्या. यामुळे महिलांवरील ओझे कमी होईल.

-जर ताण खूप जास्त असेल तर समुपदेशन किंवा सपोर्ट ग्रुपची मदत घ्या. यामुळे तुम्हाला नवीन दृष्टिकोन आणि उपाय मिळू शकतात.

-महिलांनी स्वतःसाठी वेळ काढावा. योगासने, ध्यानधारणा किंवा तुमच्या आवडीचे काम केल्याने ताण कमी होण्यास मदत होते.

प्रेमात पडलात, लग्नही केलं, पण आता होतोय पश्चाताप, लव्ह मॅरेज तरी नात्यात दुरावा का? 5 मोठी कारणं

या संशोधनातून असं दिसून आलं आहे की नातेसंबंधात जबाबदाऱ्यांचं असमान वाटप हे महिलांच्या तणावाचं सर्वात मोठे कारण आहे. पतींनी त्यांच्या जीवनसाथींना मदत करावी, काम वाटून घ्यावं आणि मानसिक आधार द्यावा. यामुळे महिलांचा ताण कमी होईलच पण नातंही मजबूत होईल. लक्षात ठेवा, कुटुंबात समानता, समजूतदारपणा आणि सहकार्याची भावना असेल तरच आनंदी कुटुंब शक्य आहे.

Location :

Delhi

First Published :

June 16, 2025 3:19 PM IST

नवरा की मुलं? महिलांना सगळ्यात जास्त 'ताप' कुणाचा असतो? संशोधनातून झालं उघड

नवरा की मुलं? महिलांना सगळ्यात जास्त 'ताप' कुणाचा असतो? संशोधनातून झालं उघड

फोटो

ताज्या बातम्या