Surya Namaskar Benefits : तंदुरुस्त आणि निरोगी राहायचंय ना, तर मग दैनंदिन जीवनात करा या 12 आसनांचा समावेश, हे आहेत फायदे

शाहजहांपुर, 27 डिसेंबर : जर तुम्हीही दैनंदिन धावपळीत व्यस्त असाल आणि तुम्हाला कसरतीसाठी वेळ काढता येत नसेल तर ताजेतवाने राहण्यासाठी तुम्हाला योग खूपच फायदेशीर ठरू शकतो. योग प्रशिक्षकांचे म्हणणे आहे की, जर तुम्ही तुमच्या दैनंदिन जीवनात योगाचा समावेश केला तर तुम्ही दिवसभर तंदुरुस्त आणि निरोगी राहाल. इतकेच नव्हे तर तुमची काम करण्याची क्षमताही वाढेल आणि तुमचे मनही शांत राहील.

उत्तरप्रदेश राज्यातील शाहजहांपुर जिल्हा रुग्णालयातील योग आणि निसर्गोपचार केंद्रातील योग प्रशिक्षक अभिनव शुक्ला यांनी याबाबत माहिती दिली. ते म्हणाले की, जर तुम्ही तुमच्या दिनचर्येत योग आणि ध्यानधारणेचा समावेश केला तर तुम्हाला ताजेतवाने वाटेल. तसेच तुम्ही तणाव टाळण्यास सक्षम असाल. तुम्ही सूर्यनमस्कार तुमच्या दैनंदिन जीवनात समाविष्ट केले तर तुमच्यामध्ये बिबट्यासारखी स्फूर्ती निर्माण होईल.