रात्री पाय दुखतात, बोटे सुन्न होतात? सावधान! 'हे' संकेत दर्शवतात गंभीर आजार, आत्ताच लक्षण द्या, नाहीतर...

आपल्यापैकी बहुतेकांना वाटतं की कॅल्शियम म्हणजे फक्त हाडांच्या मजबुतीसाठी (Strengthening Bones) आवश्यक असणारा घटक. पण ही गोष्ट अर्धवट आहे. तज्ज्ञ सांगतात, "कॅल्शियम केवळ हाडांपुरते मर्यादित नाही, तर ते आपल्या हृदयाचे ठोके नियमित ठेवण्यापासून (Regulate Heartbeat) ते स्नायूंच्या योग्य कार्यापर्यंत (Proper Muscle Function) आणि मज्जातंतूंना निरोगी (Nerve Health) ठेवण्यापर्यंत अनेक जबाबदाऱ्या पार पाडते." तरीही, या महत्त्वाच्या खनिजाकडे अनेक जण दुर्लक्ष करतात आणि नकळतपणे आरोग्याच्या समस्यांना आमंत्रण देतात.

जेव्हा आपल्या आहारातून पुरेसं कॅल्शियम मिळत नाही, तेव्हा शरीर हुशारीने हाडांमधून कॅल्शियम उधार घेऊ लागतं. ही प्रक्रिया वारंवार घडल्यास, हाडांची 'बँक' हळूहळू रिकामी होते, ज्यामुळे हाडं कमजोर होतात आणि इतर गंभीर आरोग्य समस्या डोकं वर काढू लागतात.

तज्ज्ञांच्या मते, "वृद्ध व्यक्ती, विशेषतः रजोनिवृत्ती आलेल्या महिलांना (Postmenopausal Women) हाडांची घनता कमी होण्याचा धोका जास्त असतो. यामुळे ऑस्टियोपेनिया (Osteopenia) किंवा ऑस्टियोपोरोसिस (Osteoporosis) सारखे आजार होऊ शकतात."

हे टाळा: धूम्रपान, अति प्रमाणात चहा-कॉफीचे सेवन आणि मद्यपान टाळा, कारण या सवयी शरीरातील कॅल्शियम शोषून घेतात आणि हाडांना कमजोर करतात.

त्यामुळे, पुढच्या वेळी जेव्हा तुम्हाला शरीरातून येणारे हे लहान इशारे जाणवतील, तेव्हा त्यांच्याकडे दुर्लक्ष करू नका. योग्य आहार आणि निरोगी जीवनशैलीचा अवलंब करून तुम्ही तुमच्या हाडांना आणि संपूर्ण शरीराला मजबूत ठेवू शकता.