कच्चा कांदा आणि लिंबू खायला का सांगतात? तुम्हाला याचे फायदे माहित आहे का?

हेल्थ डेस्क:  कांद्याशिवाय  भाजीची आपण कल्पनाही करू शकत नाही. आपल्या देशात कांद्याला इतकं महत्त्व आहे की, याच्याशी संबंधित उलाढाली आणि मुद्द्यांवरून सरकारेही कोसळून पडू शकतात. कांदा अनेक पदार्थांमध्ये वापरला जातो. कोणत्याही प्रकारची ग्रेव्ही बनवण्यासाठी कांदा वापरला जातो. मात्र, कच्चा कांदा खाण्याची सवय फार कमी लोकांना असते. आरोग्य तज्ज्ञांच्या मते, कच्च्या कांद्याचा रोजच्या आहारात समावेश केल्यास अनेक आजार टाळता येतात. कांद्यामध्ये लिंबू मिसळल्यास त्याचा फायदा दुप्पट होतो. कांद्यामध्ये अॅलिसिनसारखं   सल्फर कंपाऊंड आढळतं, जे शरीरासाठी फायदेशीर आहे. कांद्याला फायबरचं पॉवर हाऊसही  म्हणतात. स्थूलपणा कमी करण्यासाठी कांदा फायदेशीर  मानला जातो.