नटखट कृष्णासाठी हवा आकर्षक पाळणा, ठाण्यात फक्त 150 रुपयांपासून करा खरेदी

ठाण्यातील अनेक दुकानांमध्ये तुम्हाला श्रीकृष्णासाठी वेगवेगळ्या व्हरायटीचे पाळणे मिळतील. या पाळण्यांमध्ये तुम्हाला लाकडाचा पाळणा, सुंदर डिझाईन असणारा पाळणा, स्टीलचा पाळणा, तांब्याचा पाळणा, फुलांचा पाळणा हे सगळे पाळणे उपलब्ध आहेत. यांची किंमत 150 रुपयांपासून सुरू होते. तुम्ही ज्या आकाराचा पाळणा घ्याल तशी पाळण्याची किंमत वाढत जाते. या पाळण्याची क्वालिटी सुद्धा चांगली असल्यामुळे तुम्ही एकदा पाळणा घेतला तर तो 2 ते 3 वर्ष तरी चांगला राहू शकतो, असं विक्रेते सांगतात.

"आमच्या दुकानात तुम्हाला हव्या तशा पद्धतीचा पाळणा मिळेल. या पाळण्याची क्वालिटी चांगली असल्यामुळे ते अधिक दिवस टिकतात. जन्माष्टमीला मिळणाऱ्या पाळण्यांसोबतच आमच्याकडे त्यादिवशी पाळण्यात ठेवला जाणाऱ्या श्रीकृष्णाच्या मूर्ती सुद्धा मिळतात," असे ठाणे मार्केटमधील मन मंदिर या दुकानाचे मालक दिनेश यांनी सांगितले.