Weight Loss Smoothie : कठोर डायेटपेक्षा टेस्टी पद्धतीने करा वजन कमी, ट्राय या स्वादिष्ट वेट लॉस स्मूदीज..

स्टाइलक्रेझच्या मते, ही स्मूदी भोपळा, काकडी आणि लिंबू यापासून तयार केली जाते. यामध्ये असलेला भोपळा हा मधुमेह, अल्सर, उच्च रक्तदाब, कावीळ आणि हृदयाशी संबंधित आजार रोखण्यासाठी प्रभावी आहे. काकडीत लिपिड-कमी करणारे अँटीऑक्सिडंट आणि अँटीबायोटिक गुणधर्म आहेत. काकडीत कॅलरीज खूप कमी असतात आणि ती शरीरात पाणी भरण्यास मदत करते. ही स्मूदी बनवण्यासाठी एक कप किसलेला भोपळा आणि एक कप चिरलेली काकडी घ्या आणि ते मिक्सरमध बारीक करा. बारीक झाल्यानंतर त्यात लिंबाचा रस घाला. चवीसाठी तुम्ही चिमूटभर मीठ देखील घालू शकता.

ब्लूबेरीमध्ये भरपूर फायबर आणि अँटीऑक्सिडंट्स असल्याने ही स्मूदी स्वादिष्ट आणि फायदेशीर आहे आणि ओट्स हे फायबरचा चांगला स्रोत आहेत. स्मूदी बनवण्यासाठी ब्लूबेरी, ओट्स आणि चिया दुधासोबत बारीक करून घ्या आणि तुमची स्मूदी तयार आहे.

या स्मूदीमधील पालक हृदयरोग, कर्करोग आणि लठ्ठपणा टाळण्यास मदत करते. दालचिनी कोलेस्टेरॉलची पातळी कमी करण्यास मदत करते आणि वजन कमी करण्यास प्रोत्साहन देते. स्ट्रॉबेरी मधुमेह आणि कर्करोगापासून संरक्षण करते. एकूणच ही एक निरोगी स्मूदी आहे. ती बनवण्यासाठी 1 कप ताजा पालक, 1/2 कप चिरलेली स्ट्रॉबेरी आणि 1/2 चमचा दालचिनी पावडर एकत्र करून मिक्सरला बारीक करून घ्या. तुमची स्मूदी तयार आहे.