वातावरण बदलताच पडता आजारी? असं कधीपर्यंत चालणार, आता 'या' 3 सवयी लावून घ्याच!

बलिया : प्रत्येक ऋतूला आपल्या जीवनात अत्यंत महत्त्व आहे. परंतु ऋतू बदलताच वाऱ्यांचा वेग आणि हवामानही बदलतं, त्यामुळे या काळात आरोग्याची विशेष काळजी घेणं आवश्यक असतं. कारण वातावरणातील बदल हा अनेकजणांना सहन होत नाही. एकदा ते दिवस सवयीचे झाले की, मग आपलं जगणं सामान्य होतं, मात्र तोपर्यंत मागे डॉक्टरच्या वाऱ्या लागतात. आता त्या कमी कशा होणार, तर त्यासाठी प्रत्येकाने रोजच्या जगण्यात काही चांगल्या सवयी लावून घ्यायला हव्या.

डॉक्टर प्रियंका सिंह सांगतात की, पचायला जड असे अन्नपदार्थ आपल्या जेवणातून वगळावे. ऋतू बदलताच सर्दी, खोकला, ताप असे साथीचे आजार जडायला सुरूवात होते. त्यामुळे आरोग्याची आणि आहाराची विशेष काळजी घ्यावी. 'योग्य आहार, पुरेशी झोप आणि नियमित व्यायाम' हाच आरोग्यदायी जीवनाचा मंत्र आहे.