अरे देवा! आधीच कोरोना त्यात आता रहस्यमयी बॅक्टेरिया, ज्याला नष्ट करणंही मुश्किल, शास्त्रज्ञही चिंतेत

आपल्या आजूबाजूला सर्व प्रकारचे बॅक्टेरिया असतात. यापैकी काही आपल्यासाठी चांगले आहेत तर काही वाईट आहेत. चीनच्या तियांगोंग अंतराळ स्थानकावर शास्त्रज्ञांना एक जीवाणू सापडला आहे, जो खूप रहस्यमय आहे. या शोधामुळे अंतराळवीरांच्या आरोग्याबाबत मोठा प्रश्न निर्माण होत आहे. हे जीवाणू कुठून आले आणि ते अंतराळात राहणाऱ्यांसाठी धोका निर्माण करू शकते का?

एका मायक्रोबायोलॉजी जर्नलमध्ये अलीकडेच प्रकाशित झालेल्या संशोधनानुसार, हे नवीन जीवाणू जिलेटिनचे विघटन करू शकतात आणि त्यातून नायट्रोजन आणि कार्बन काढू शकतात. ही खासियत त्याला अद्वितीय बनवते. यामुळे हा जीवाणू कठीण परिस्थितीतही स्वतःभोवती एक मजबूत संरक्षणात्मक कवच तयार करतो.

तियांगोंग अंतराळ स्थानकावरील अंतराळवीर नियमितपणे पृष्ठभागांचे निर्जंतुकीकरण करतात आणि बॅक्टेरियांवर बारकाईने लक्ष ठेवतात. हवा स्वच्छ करण्यासाठी स्टेशनमध्ये विशेष फिल्टर सिस्टम देखील बसवण्यात आल्या आहेत. तरीही पृथ्वीप्रमाणेच अंतराळातही बॅक्टेरियामुळे होणारे आजार पूर्णपणे रोखणं कठीण आहे. आता N. tiangongensis बॅक्टेरियाबद्दल प्रश्न असा आहे की ते नवीन समस्या निर्माण करेल की फक्त एक अद्वितीय वैज्ञानिक शोध आहे. हे हळूहळू स्पष्ट होईल.