Hair Colour Tips - केस अकाली पांढरे होतायत ? आहारात बदल करा...आणि फरक बघा
- Published by:Renuka Joshi
Last Updated:
केस काळे करण्यासाठी अनेक पर्याय उपलब्ध असतात, पण त्याच बरोबर आहारात बदल केले तर केस नैसर्गिकरीत्या काळे राहण्यास मदत होते.
मुंबई - काहींना केस पांढरे झालेले आवडतात तर काहीजण पांढरे केस काळे करतात. केसांना रंग लावण्यासाठी मेंदी किंवा हेअर कलरचा वापर सर्रास होतो. पण हे करण्याआधी आहारात काही बदल करणं उपयुक्त ठरु शकतं. केवळ शारीरिक आरोग्यासाठीच नाही तर आपली त्वचा आणि केस निरोगी ठेवण्यासाठी आपल्याला सकस आणि संतुलित आहाराची गरज आहे. केसांसाठी पोषक घटकांचा आहारात समावेश केला तर केसांचं आरोग्य चांगलं राखता येऊ शकतं.
1. आवळा-
आवळा आरोग्यासाठी खूप फायदेशीर आहे. आवळ्याचा आहारात समावेश करून तुम्ही केस पांढरे होण्यापासून रोखू शकता. आवळ्यामुळे केसांसाठी आवश्यक मेलानिन वाढण्यास मदत होते. त्यामुळे केस पांढरे होण्याचं प्रमाण कमी होतं.
2. गव्हांकुराचा रस-
पांढऱ्या केसांपासून सुटका मिळवण्यासाठी तुम्ही गव्हांकुराचा रस घेऊ शकता. गव्हांकुर पौष्टिक आहेत आणि केसांच्या वाढीसाठी पोषक तत्त्वं त्यात आहेत.
advertisement
3. गाजर-
हिवाळ्यात मिळणारी ताजी गाजरं आरोग्यासाठी खूप उपयुक्त आहेत. गाजरात असलेले गुणधर्म केस पांढरे होण्यापासून रोखू शकतात.
Hair Care : गळणाऱ्या केसांवर रामबाण उपाय, घरीच तयार करा हे मिश्रण, तेलात मिसळून लावा..केसगळती थांबेल
4. अश्वगंधा-
अश्वगंधाचं सेवन शरीर निरोगी ठेवण्यासाठीच नाही तर केस काळे होण्यासही उपयुक्त आहे. अश्वगंधाची पावडर दुधासोबतही पिऊ शकता.
advertisement
आहारात काही मोठे बदल करण्याआधी आहारतज्ज्ञांचा सल्ला नक्की घ्या.
Location :
Mumbai,Maharashtra
First Published :
November 04, 2024 6:54 PM IST
