कोरोनाच्या नव्या व्हेरियंटपासून कसा बचाव कराल? डाॅक्टरांनी सांगितले 'हे' महत्त्वाचे उपाय!

आयुर्वेदिक डाॅक्टर सुनीरा बंगा सांगतात की, "कोरोना टाळायचा असेल, तर प्रतिकारशक्ती वाढवणं हा उत्तम उपाय आहे. पंचकर्म उपाय करून तुम्ही प्रतिकारशक्ती वाढवू शकता. तुम्ही पंचकर्म आयुर्वेदिक उपचार आणि ऑयल पुलिंग केलं की, प्रतिकारशक्ती वाढू शकते. त्याचबरोबर रोज 1-2 थेंब नाकात गाईचे शुद्ध तूप सोडू शकता, तसेच सहज पचेल असे अन्न खा, ज्यामुळे शौचास त्रास होणार नाही.

डॉ. सुनीरा सांगतात की, "कोरोनानंतर 'पोस्ट कोविड सिम्पटम्स' म्हणजेच कोरोनानंतर दिसणारी लक्षणे नेहमीच सर्वात घातक असतात. यामुळेच अनेक मृत्यूही झाले आहेत. त्यावर आयुर्वेदात ‘वमन’ ही एक पंचकर्म प्रक्रिया आहे, जी शरीरातील जास्त कफ दोष उलटीद्वारे बाहेर काढण्यासाठी केली जाते.  त्यांनी ही प्रक्रिया सविस्तरपणे समजावून सांगितली: या प्रक्रियेत, त्या रुग्णाला एक प्रकारचे औषधी तूप प्यायला देतात आणि जोपर्यंत रुग्णाला काही प्रकारची लक्षणे दिसू लागत नाहीत तोपर्यंत त्याला ते प्यायला देतात. त्यानंतर रुग्णाला रुग्णालयात आणले जाते आणि काही औषधी वनस्पतींच्या मदतीने उलटी करवली जाते, जेणेकरून त्याच्या पोटात आणि शरीरातील सर्व विषारी पदार्थ बाहेर पडतात."