Pippali Benefits: इतक्या आजारांवर गुणकारी आहे पिंपळी, एकदा खाल्ल्याने होतील ‘इतके’ फायदे

मुंबई : 5 वर्षांपूर्वी जेव्हा कोरोना व्हायरसने जगाला आपली मगरमिठी मारायला सुरूवात केली होती. तेव्हा भारतीयांना आर्युवेदीक औषधांचं महत्त्व पटू लागलं होतं. आयुर्वेदातल्या विविध औषधी वनस्पतींचं सेवन करून प्रतिकारशक्ती वाढवण्याचा प्रयत्न भारतीय नागरिक करत होते. आयुष मंत्रालयानेही आरोग्य मंत्रालयाच्या सहकार्याने काही आयुर्वेदिक वनस्पतींचा अभ्यास केला होता. यात काही वनस्पती या रोगप्रतिकारक शक्ती वाढवण्यासाठी फायदेशीर ठरल्याचं सिद्ध झालं होतं. अशीच एक आयुर्वेदिक वनस्पती आहे पिंपळी किंवा पिप्पली. पिप्पली दिसायला काळ्या लाकडाप्रमाणे आणि लवंगासारखी दिसते. ही एक अतिशय छोटी वनस्पती जरी असली तरीही विविध आजारांवर प्रचंड गुणकारी असून औषधी गुणधर्मांनी परिपूर्ण आहे.