अस्सल चिकनकारी कुर्तीची करायचीय खरेदी? पुण्यातील या मार्केटला द्या भेट

चिकनकारी हे पूर्णपणे हाताने बनवले जाते. ते कापड विणणं हे कौशल्य असून अतिशय बारीक सुईने हे सुंदर विणकाम केलं जातं. चिकनकारीचे काम करण्यासाठी खूप वेळ मेहनत घ्यावी लागते. ज्यामुळे ते कापड अधिकच आकर्षक आणि सुंदर दिसतं. आजकाल मशिनवर चिकनकारी कापडाचे काम केले जाते. या कुर्ती बनवण्यासाठी अतिशय उत्कृष्ट दर्जाच्या कॉटन, शिफॉन, मलमल, रेशम, ऑर्गेना, नेटचा वापर केला जातो. त्यामुळे या अतिशय आरामदायक मानल्या जातात. यामुळे ग्राहकांकडून पसंती देखील मिळते, असं लखनऊ चिकन पॅलेसचे मालक शंतनू पानसरे सांगतात.

एक्सक्लॉसिव्ह लखनऊ पुण्यात आम्ही सुरुवातीला सुरु केले. 25 वर्ष झालं आमचं हे दुकान आहे. याच्यामध्ये संपूर्ण हाताने काम केले जाते. कॉटन, जॉरजेट, टसर सिल्क, आणि आता नवीन आलेलं मोनाल फॅब्रिक, चंदेरीवर लखनवी, मसलीमवर देखील लखनवी केलं आहे. काही ड्रेस मटेरियल पण भेटत. तसंच प्रिंटेड वर पण लखनवी करून घेत आहोत. अशा विविध प्रकारचे लखनवी कुर्ती इथे पाहिला मिळतील. या चिकन कुर्तीची किंमत 850 रुपयांपासून 2200 रुपयांपर्यंत आहे अशी माहिती शंतनू पानसरे यांनी दिली.