स्क्रॅचमुळे चष्मा खराब दिसतोय? लगेच फाॅलो करा 'या' ट्रिक्स, चष्मा होईल स्वच्छ अन् लेन्सही राहील सुरक्षित!

याबाबत ऑप्टोमेट्रिस्ट आणि कॉन्टॅक्ट लेन्स एक्सपर्ट डॉक्टर सांगतात की, चष्म्यावरून स्क्रॅच काढण्यासाठी टूथपेस्ट किंवा बेकिंग सोडा वापरणे बिलकुल योग्य नाही. असे केल्याने तुमच्या चष्म्याची कोटिंग (जसे की अँटी-रिफ्लेक्शन किंवा ब्लू ब्लॉक कोटिंग) खराब होऊ शकते आणि लेन्स आणखी खराब होऊ शकतात.

डॉक्टर म्हणतात, तुमच्या चष्म्यावर स्क्रॅच आले असतील, तर सर्वात चांगला उपाय आहे की तुम्ही तुमच्या ऑप्टिशियनशी (चष्मे विकणाऱ्यांशी) संपर्क साधा. ते लेन्सची कोटिंग 'डी-कोट' करून पुन्हा 'रिकोट' करू शकतात. यामुळे वरच्या बाजूचे स्क्रॅच निघून जातात आणि लेन्स पुन्हा नव्यासारखे दिसू लागते. मात्र, जर स्क्रॅच खूप खोल असतील आणि लेन्सच्या आतल्या पृष्ठभागापर्यंत पोहोचले असतील, तर ते काढणे कठीण होते. अशा परिस्थितीत नवीन लेन्स लावणे हाच चांगला उपाय आहे.