Shilajit : पुरुषांची मर्दांनगी वाढवणारं शिलाजीत महिलाही खाऊ शकतात का? खाल्लं तर काय होईल?

उत्तर प्रदेशातील अलिगड आयुर्वेद मेडिकल कॉलेजचे सहाय्यक प्राध्यापक डॉ. पीयुष माहेश्वरी यांनी न्यूज18 ला सांगितलं की, शिलाजित हा हिमालयातील खडकांपासून मिळणारा एक नैसर्गिक पदार्थ आहे, जो वर्षानुवर्षे सेंद्रिय पदार्थांच्या विघटनाने तयार होतो. त्यात भरपूर फॉलिक अॅसिड, खनिजे, अँटिऑक्सिडंट्स आणि पोषक घटक असतात. ते शरीराच्या पेशींना पुनरुज्जीवित करू शकते आणि रोगांशी लढण्याची शरीराची क्षमता वाढवू शकते.

डॉ. माहेश्वरी यांनी सांगितलं की, शिलाजित खाल्ल्याने महिलांचं शरीर शक्तीने भरते आणि अनेक समस्या दूर होतात. शिलाजित महिलांमध्ये इस्ट्रोजेन आणि प्रोजेस्टेरॉन सारख्या हार्मोन्सचं संतुलन राखण्यास मदत करतं, ज्यामुळे मासिक पाळीच्या अनियमितता, पीसीओडी आणि रजोनिवृत्तीशी संबंधित समस्या कमी होऊ शकतात. शिलाजित थकवा, अशक्तपणा आणि कमी उर्जेची समस्या दूर करते. ते काम करणाऱ्या महिला आणि गृहिणी दोघांसाठीही खूप फायदेशीर आहे. शिलाजितमध्ये असलेले अँटिऑक्सिडंट्स त्वचेच्या सुरकुत्या कमी करतात आणि वृद्धत्वाचे परिणाम कमी करतात. शिलाजितमध्ये कॅल्शियम, मॅग्नेशियम आणि इतर खनिजे असल्याने हाडे मजबूत होतात, जी रजोनिवृत्तीनंतर अधिक महत्त्वाची होतात.