Weight Loss : या डाळीत असते मटण आणि माशांपेक्षाही जास्त प्रोटीन! वजन नियंत्रित ठेवते, शरीराला होतात हे फायदे
- Published by:Pooja Jagtap
Last Updated:
डाळ हा आपल्या आहाराचा एक महत्त्वाचा भाग आहे, जो आपल्या शरीराला निरोगी ठेवतो. डाळ खाल्ल्याने शरीरातील प्रथिनांची कमतरता दूर होते. वेगवेगळ्या प्रकारच्या डाळी शरीराला वेगवेगळे फायदे देतात.
मुंबई, 27 सप्टेंबर : प्रत्येक भारतीय कुटुंब साधारणपणे दररोज डाळ खात असते. डाळ हा आपल्या आहाराचा एक महत्त्वाचा भाग आहे, जो आपल्या शरीराला निरोगी ठेवतो. डाळ खाल्ल्याने शरीरातील प्रथिनांची कमतरता दूर होते. वेगवेगळ्या प्रकारच्या डाळी शरीराला वेगवेगळे फायदे देतात. ज्यामध्ये तुरीची डाळ ही देशातील सर्वाधिक प्रमाणात वापरली जाणारी डाळ आहे. जे लोक शाकाहारी आहेत, ते शरीरातील प्रथिनांची कमतरता पूर्ण करण्यासाठी तूर डाळ खाण्यास प्राधान्य देतात. तूर डाळ प्रोटीनचे पॉवरहाऊस म्हणून ओळखली जाते, कारण त्यात मांसाहारापेक्षा जास्त प्रथिने असतात.
प्रथिनांच्या व्यतिरिक्त, तुरीची डाळ पोटॅशियम, मॅग्नेशियम, कॅल्शियम, फायबर आणि सोडियमने समृद्ध आहे. हे सर्व पोषक तत्व शरीर निरोगी ठेवण्यास मदत करतात. एम्सचे माजी सल्लागार आणि शॉल हार्ट सेंटरचे संस्थापक आणि संचालक डॉ. बिमल झांजर म्हणाले की, जे लोक मांसाहार करतात त्यांना असे वाटते की केवळ मांसाहारातूनच प्रोटीन मिळू शकते, परंतु ते चुकीचा विचार करतात.
advertisement
तूर डाळ ही शाकाहारी लोकांसाठी एक चमत्कारी डाळ आहे, ज्यात मांसाहारापेक्षा जास्त प्रथिने असतात. 100 ग्रॅम तुरीची डाळ खाल्ल्यास शरीराची रोजची प्रोटीनची गरज भागते. यासोबतच वजनही नियंत्रणात राहते. मग आपण तज्ज्ञांकडून जाणून घेणार आहोत की, तूर डाळ खाण्याचे काय फायदे आहेत आणि ते शरीरातील प्रोटीनची कमतरता कशी पूर्ण करते.
मांसाहारापेक्षा भाज्यांमध्ये असतात जास्त प्रथिने
प्रथिनांची गरज वय, शरीर आणि फिटनेस यावर अवलंबून असते. सरासरी व्यक्तीला प्रति किलो वजनाच्या 0.8 ते 1.2 ग्रॅम प्रथिनांची गरज असते. त्यामुळे तंदुरुस्तीबद्दल जागरूक लोकांना प्रति किलो वजनासाठी 1.2 ते 1.8 ग्रॅम प्रथिने आवश्यक असतात. तर एका क्रीडापटूला प्रति किलो वजनाच्या 1.5 ते 2.2 ग्रॅम प्रोटीनची आवश्यकता असते. सामान्य माणसाला आवश्यक असलेली प्रथिने तूर डाळ खाऊन सहज मिळवता येतात. 100 ग्रॅम तुरीच्या डाळीमध्ये 28.2 ग्रॅम प्रोटीन असते, जे आपल्या रोजच्या गरजेपेक्षा खूप जास्त असते.
advertisement
सर्वात महत्वाचे म्हणजे 100 ग्रॅम मटणात 18.5 ग्रॅम प्रथिने आणि 100 ग्रॅम चिकनमध्ये 30 ग्रॅम प्रथिने असतात. तर 100 ग्रॅम माशांमध्ये 17 ते 21 ग्रॅम प्रथिने असतात. म्हणजे प्रत्येक डाळीमध्ये मांसापेक्षा जास्त प्रथिने आढळतात.
तुरीची डाळ खाण्याचे फायदे
- तुरीची डाळ खाल्ल्याने पोट जास्त काळ भरलेले राहते आणि भूक कमी होते. कारण त्यात प्रथिनांचे प्रमाण जास्त असते. तूर डाळ चयापचय वाढवते आणि वजन नियंत्रित करते.
advertisement
- उच्च रक्तदाबाच्या समस्येने त्रस्त असलेल्यांनी तूर डाळीचे सेवन करावे. उच्च रक्तदाब नियंत्रणात ठेवण्यासाठी तूर डाळ उपयुक्त आहे.
- तुरीची डाळ खाल्ल्याने पचनक्रिया सुधारते. कारण तुरीच्या डाळीमध्ये फायबर भरपूर प्रमाणात असते.
- तूर डाळ खाल्ल्याने शरीराची रोगप्रतिकारक शक्ती मजबूत होते. सर्दी आणि खोकल्याच्या उपचारातही तूर डाळ प्रभावी ठरते.
- तूर डाळीमध्ये अँटिऑक्सिडंट भरपूर असल्याने रक्तातील साखरेची पातळीही नियंत्रणात राहते.
Location :
Mumbai,Maharashtra
First Published :
September 27, 2023 3:31 AM IST
मराठी बातम्या/लाइफस्टाईल/
Weight Loss : या डाळीत असते मटण आणि माशांपेक्षाही जास्त प्रोटीन! वजन नियंत्रित ठेवते, शरीराला होतात हे फायदे
