कुठं मनालीचा प्लॅन करताय? उन्हाळ्याच्या सुट्टीसाठी मुंबईजवळचं ठिकाण, तुम्ही पाहिलीये का?

सायन किल्ला, ज्याला "सायन हिलॉक फोर्ट" म्हणूनही ओळखलं जातं, हा 17 व्या शतकात इंग्रजांनी बांधलेला एक महत्त्वाचा किल्ला आहे. ब्रिटिश ईस्ट इंडिया कंपनीच्या काळात, 1669 ते 1677 दरम्यान, गव्हर्नर गेराल्ड ऑंगियर यांच्या कार्यकाळात हा किल्ला बांधण्यात आला. त्याकाळी हा किल्ला ब्रिटिशांच्या पारेल बेट आणि पोर्तुगीजांच्या सालसेट बेट यांच्यातील सीमारेषा दर्शविणारा होता. 1925 मध्ये या किल्ल्याला ग्रेड I वारसा संरचना म्हणून घोषित करण्यात आलं.

सायन किल्ला हा सायनच्या टेकडीवर वसलेला आहे, इथून तुम्हाला मुंबईचं विहंगम दृश्य पाहायला मिळतं. किल्ल्याच्या परिसरात हिरवळ, शांतता आणि निसर्गाचं सौंदर्य अनुभवता येतं. किल्ल्याच्या पायथ्याशी पंडित जवाहरलाल नेहरू उद्यान आहे, इथे मुलांसाठी खेळण्याची सोय आहे. किल्ल्याच्या भिंतींवरून तुम्हाला शहरातील उंच इमारती, समुद्र आणि आसपासचं सौंदर्य पाहायला मिळतं.

सायन किल्ला दररोज सकाळी 6:00 ते 12:00 आणि संध्याकाळी 4:00 ते 8:30 या वेळेत खुला असतो. किल्ल्यापर्यंत पोहोचण्यासाठी सायन रेल्वे स्थानकापासून फक्त 10-15 मिनिटांचा पायी प्रवास आहे.

1) ऐतिहासिक वास्तू: किल्ल्याच्या भिंती, चौकोनी खिडक्या आणि जुन्या काळातील तोफा पाहायला मिळतात.