मृत्यूच्या दारात उभं असताना माणूस काय बोलतो? ICU मध्ये काम करणाऱ्या नर्सने सांगितला 'तो' थरारक अनुभव

मुंबई : आपण आपल्या दैनंदिन आयुष्यात कितीही धावपळ केली, संपत्ती गोळा केली, तरी शेवटी एकच सत्य उरतं, ते म्हणजे 'मृत्यू'. आपण अनेकदा ऐकतो की, माणसाला आपल्या मृत्यूचा आभास होतो. पण विज्ञानाच्या जगात, जिथे प्रत्येक गोष्ट मशिन आणि रिपोर्टवर अवलंबून असते, तिथे अशा 'आभासाला' काही जागा आहे का? अमेरिकेतील फ्लोरिडा येथे राहणाऱ्या 29 वर्षीय आयसीयू (ICU) नर्स किर्स्टी रॉबर्ट्स यांनी गेल्या चार वर्षांपासून मृत्यूला अत्यंत जवळून पाहिलं आहे. त्यांनी आपल्या अनुभवातून अशा काही गोष्टी मांडल्या आहेत, ज्या तुम्हाला क्षणभर विचार करायला भाग पाडतील. त्यांच्या मते, जेव्हा एखादा रुग्ण मृत्यूच्या अगदी जवळ असतो, तेव्हा त्याच्या वागण्यात असा काही बदल होतो जो वैद्यकीय भाषेत समजावून सांगणं कठीण आहे.