Jalna : रोहिणी खडसेंच्या कार्यक्रमात महिला कार्यकर्त्यांमध्ये तुंबळ हाणामारी, बुक्क्यांनी एकमेकांना चोपलं, VIDEO

जालन्यात रोहिणी खडसेंच्या कार्यक्रमात महिला कार्यकर्त्यांमध्ये जोरदार हाणामारी झाल्याची घटना घडली आहे. अंबडमध्ये काल रात्री राष्ट्रवादी काँग्रेस शरद पवार गटाच्या उमेदवाराच्या प्रचार सभेवेळी हा प्रकार घडलाय. महिला कार्यकर्त्यांमध्ये झालेल्या राड्यामुळे सभास्थळी एकच गोंधळ उडाला होता.

अंबड नगर परिषद निवडणुकीसाठी राष्ट्रवादी काँग्रेस शरद पवार गटाकडून श्रद्धा चांगले यांना उमेदवारी देण्यात आली आहे. त्यांच्या प्रचारार्थ राष्ट्रवादी काँग्रेस शरद पवार गटाच्या नेत्या रोहिणी खडसे जालन्यातील अंबड शहरात प्रचार सभेसाठी आल्या होत्या. या सभेवेळी काही महिला कार्यकर्त्यांमध्ये क्षुल्लक कारणावरून जोरदार हाणामारी झाल्याचं पहायला मिळालं.या हाणामारीचा व्हिडिओ देखील समोर आला आहे.

सुरूवातील एक महिलेच दुसऱ्या महिलेशी बोलणं सूरू होतं. हे बोलण संपताच दुसऱ्याच क्षणी एका महिलेचे एका तिसऱ्या महिलेसोबत शाब्दीक बाचाबाची झाली. या बाचाबाचीत दोघांनी एकमेकांसोबत झटापटी देखील झाली. यावेळी व्यासपिठावरून महिला कार्यकर्त्यांना शांत राहण्याचा सल्लाही देण्यात आला होता. पण तरीही ही हाणामारी सूरूच होती. शेवटी आयोजकांनी मध्यस्थी केल्यानंतर महिलांमधील वाद मिटला आहे.