Water Transport: लोकल आणि टॅक्सी विसरा! आता बोटीने करा प्रवास, जलवाहतुकीसाठी नवीन मार्ग होणार खुले

नवी मुंबई : सध्या मुंबईसह नवी मुंबईचा झपाट्याने विकास होत आहे. नवी मुंबईत नवीन आंतरराष्ट्रीय दर्जाचं विमानतळ उभारण्यात आलं असून लवकरत ते कार्यान्वित देखील होणार आहे. शिवाय विमानतळाची कनेक्टिव्हिटी वाढवण्यासाठी अनेक रस्त्यांचे प्रकल्प हाती घेण्यात आले आहेत. या कनेक्टिव्हिटीमध्ये आता जलमार्गाचीही भर पडणार आहे. मेरिटाईम बोर्डाने मुंबई महानगर प्रदेशातील सध्याच्या 12 जलवाहतूक मार्गांचा विस्तार करण्यासह नवीन 10 मार्गांवर जलवाहतूक सेवा सुरू करण्याचा निर्णय घेतला आहे.