Thane-Navi Mumbai Airport: ठाणे ते नवी मुंबई अवघ्या काही मिनिटांत! विमानतळाकडे जाण्यासाठी 6 हजार कोटींच्या एलिव्हेटेड रोडला मंजुरी

ठाणे : नवी मुंबईमध्ये आंतरराष्ट्रीय दर्जाचं विमानतळ उभारलं जात आहे. या विमानतळाचं काम अंतिम टप्प्यात आलं आहे. याठिकाणाची रस्ते मार्गे कनेक्टिव्हिटी सुधारण्यासाठी विविध पर्याय शोधले जात आहे. याअंतर्गत ठाणे ते नवी मुंबई आंतरराष्ट्रीय विमानतळादरम्यान 25.2 किलोमीटर लांबीचा एलिव्हेटेड रोड उभारण्यास मंजुरी देण्यात आली आहे. या मार्गासाठी 6 हजार 363 कोटी रुपये खर्च होणार आहे. यामुळे संपूर्ण महानगर प्रदेशातील प्रवाशांची सोय होईल. या एलिव्हेटेड कॉरीडॉरमुळे मुंबई आणि ठाण्यातून नवी मुंबईत जाण्यासाठी अवघ्या काही मिनिटांचा कालावधी लागेल.