Amravati: 22 दिवसांच्या बाळाला श्वास घ्यायला झाला त्रास, पोटावर दिले गरम विळ्याचे 65 चटके, अमरावतीतील घटना

मिळालेल्या माहितीनुसार, मेळघाटातील सिमोरी येथील फुलवंती राजू धिकार या महिलेची 3 फेब्रुवारी रोजी अचलपूरच्या रुग्णालयात प्रसुती झाली. घरी गेल्यानंतर या बाळाला श्वास घ्यायला त्रास होत होता म्हणून बाळाच्या नातेवाईकाने भोंदू बाबाकडे नेऊन बाळाला गरम चटके दिल्याची चर्चा आहे. बाळाच्या हृदयाचा त्रास आहे, त्याला श्वास घ्यायला त्रास होतो त्रास त्याची प्रकृती चिंताजनक आहे. त्याला नागपूरला देखील रेफर करावं लागू शकतं अशी माहिती डॉक्टरांनी दिली. सध्या या बाळावर अमरावतीच्या जिल्हा स्त्री रुग्णालयातील अति दक्षता विभागात उपचार सुरू आहे.