एक चूक लेकराच्या जीवावर बेतली, चॉकलेटमुळे 7 महिन्याच्या आरोहीचा मृत्यू, बीडमधील ह्रदयद्रावक घटना

बाहेर गावाहून आल्यानंतर मुलगा पाठीमागे लागला होता म्हणून त्याच्यासाठी चॉकलेट दिलं. स्ट्रॉबेरी चॉकलेट दोन्ही मुलांनी खाल्ली होती. मात्र एक खेळण्यासाठी आरोहीच्या समोर एक चॉकलेट टाकलं होतं. तिने उचलून तोंडात घातलं की, तोंडातले चॉकलेट बाहेर काढण्यासाठी प्रयत्न केला मात्र चॉकलेटचे कव्हर हातात आलं आणि चॉकलेट तोंडात गेलं, काही क्षणात बाहेर काढण्याचा प्रयत्न केला. उपचारासाठी आम्ही धावपळही केली मात्र यश आले नाही, असं सांगताना आरोहीचे चुलते अमोल खोड यांना अश्रू झालं. शासकीय रुग्णालयामध्ये कुटुंबीयांचा आक्रोश मन हेलावून टाकणारा होता.