Letter Writing: पत्रप्रेमी आजोबा! 65 वर्षांत लिहिली 1 लाख पत्रं, पुण्याच्या सुहास जोशींचा अनोखा विक्रम

पुणे: डिजिटल क्रांती होण्यापूर्वी 'पत्र व्यवहार' हे संवाद साधण्याचं मुख्य माध्यम होतं. सरकारी काम असो किंवा एकमेकांची ख्याली-खुशाली विचारणे, प्रत्येक बाबीसाठी पत्र लिहिलं जात होतं. हळूहळू डिजिटल क्रांती होत गेली आणि पत्र व्यवहार मागे पडत गेला. सध्याच्या काळात मोबाईल, ई-मेल आणि सोशल मीडियाच्या माध्यमातून संवाद साधण्याची पक्की सवय झाली आहे. मात्र, पुण्यातील 86 वर्षांचे निवृत्त मुख्याध्यापक सुहास जोशी याला अपवाद ठरले आहेत. जोशी यांनी आजवर तब्बल 1 लाख वेळा पत्रव्यवहार करून एक वेगळाच विक्रम केला आहे. सुहास जोशी यांनी लोकल 18शी बोलताना आपल्या अनोख्या छंदाची माहिती दिली.