Funeral facility: मृत्यूनंतरही यातना संपेना, ताडपत्री धरून पावसात अंत्यसंस्कार, छत्रपती संभाजीनगरात दुर्दैवी प्रकार

‎छत्रपती संभाजीनगर: मृत्यू झालेल्या व्यक्तीच्या आत्म्याला शांती मिळावी यासाठी प्रत्येक धर्मात काही विधी केले जातात. हिंदू धर्मात देखील, मृत व्यक्तीचे कुटुंबीय शक्य तितके प्रयत्न करून अंत्यसंस्करापासून ते वर्षश्राद्धापर्यंतचे सर्व विधी करण्याचा प्रयत्न करतात. मृत व्यक्तीच्या आत्म्याला शांती लाभावी, हा त्यामागचा हेतू असतो. मात्र, काही व्यक्तींच्या नशिबात मृत्यूनंतरही शांती नसते. मृत्यूनंतर त्यांचे अंत्यसंस्कार देखील व्यवस्थित पार पडत नाहीत. छत्रपती संभाजी नगर जिल्ह्यातील खुलताबाद तालुक्यात अशीच घटना समोर आली आहे. खांडी पिंपळगाव येथे स्मशानभूमी नसल्यामुळे मृत दलित व्यक्तीवर भर पावसात ताडपत्रीच्या खाली अंत्यसंस्कार करण्यात आले.