आजचं हवामान: अरबी समुद्रातून येतंय वादळ तर विदर्भात थंडीचा 'अटॅक', हवामान विभागाचा मोठा इशारा

हवामान तज्ज्ञ सुप्रीत कुमार यांनी दिलेल्या माहितीनुसार, पश्चिम बंगालच्या उपसागरात कमी दाबाचा पट्टा दक्षिणेकडे तयार झाला आहे. तर केरळच्या समुद्र किनाऱ्यापासून काही अंतरावर दोन सायक्लोनिक सर्क्युलेशन तयार झाले आहेत. त्यामुळे समुद्र मोठ्या प्रमाणात खवळण्याची शक्यता आहे. त्यामुळे कोकणात ढगाळ वातावरण राहू शकतं. काही ठिकाणी हलक्या स्वरुपाचा पाऊस पडण्याची शक्यता आहे. उर्वरित महाराष्ट्रात किमान तापमानात वाढ होण्याची शक्यता आहे. 2 ते 3 अंशांनी ही वाढ होणार आहे.