आजचं हवामान: दक्षिणेकडे 2 वादळांचं संकट, 48 तास महत्त्वाचे, महाराष्ट्रावर काय होणार परिणाम?

दक्षिण भारतात पुन्हा एकदा मुसळधार पावसाचा कहर पाहायला मिळू शकतो. पुढचे 7 दिवस पाऊस राहणार आहे. महाराष्ट्रातून मान्सून गेला आहे. त्यामुळे ऊन वाढलं असून उकाडा देखील वाढला आहे. पश्चिम बंगालच्या उपसागरात दक्षिणेकडे सायक्लोनिक सर्क्युलेशन तयार झालं आहे. तामिळनाडू, आंध्र प्रदेश यांना धोका जास्त आहे. कर्नाटक आणि केरळच्या किनारपट्टीलगत भागात सायक्लोनिक सर्क्युलेशन सारखी स्थिती निर्माण झाली आहे. त्यामुळे वारं फिरलं असून दक्षिणेत पावसाचा कहर पाहायला मिळणार आहे.