Video: दानवेंनंतर शेकापच्या चित्रलेखा पाटलांचा व्हिडीओ बॉम्ब, महेंद्र दळवी-गोगावलेंकडे पैशांची बॅग

शेतकरी कामगार पक्षाच्या राज्य प्रवक्त्या चित्रलेखा पाटील यांनी अंबादास दानवे यांच्यानंतर आमदार महेंद्र दळवी यांच्यावर पुन्हा थेट गंभीर आरोप केलेत. यावेळी चित्रलेखा पाटील यांनी केंद्र आणि राज्य शासनाने सीबीआय, ईडी आणि अँटी करप्शन ब्युरोकडून कालच्या प्रकरणाची सखोल चौकशी करावी, अशी मागणी केली आहे. त्यांनी यावेळी आपली पार्श्वभूमी स्पष्ट करत सांगितले की, सर्वाधिक गुन्हे असलेले हे आमदार आहेत. मागच्या वेळी त्यांच्या पत्नीचा व्हिडिओ व्हायरल झाला, त्यांनी 50 खोके’ म्हटलं तर कॅशबोम्ब वाल्यांची बायको माझ्यावर धावत आली.

पुढे त्यांनी आरोप केला की एका ठाकूर बांधवांच्या शिक्षण विभागातील अधिकाऱ्याला मारहाण देखील या मंडळींनी केली आहे.यानंतर अधिक खळबळ उडवत त्यांनी भरत गोगावले यांच्या मोठ्या रकमेच्या व्यवहाराचा व्हिडिओ देखील फोटोसहित दाखवत मोठी खळबळ उडवून दिलीय. भरतशेठ गोगावले कॅश बॉम्ब नंबर २... हे चीटर आमदार आहेत, याविषयी कायम सुनील तटकरे बोलत आले आहेत. आमच्या मतदारसंघात सगळीकडे विकासकमे अर्धवट आहे. कंत्राटदर आमदाराच्या कमिशनमुळे दबले आहेत, असे देखील चित्रलेखा पाटील म्हणाल्या.

खोटा व्हिडिओ दाखवून माझी बदनामी करण्याचा प्रकार सुरु असल्याचं महेंद्र दळवी म्हणाले आहेत. तर खोटा व्हिडीओ दाखवल्या प्रकरणी अंबादास दानवेंनी अब्रुनुकसानीची नोटीस पाठवलीय असं देखील दळवींनी सांगितलं आहे. शिवसेना आमदार महेंद्र दळवींचा एक व्हिडीओ शिवसेना उबाठाचे नेते अंबादास दानवे यांनी व्हायरल केला आहे. या व्हायरल व्हिडिओमध्ये पैशांचे बंडल दिसत आहेत. तर दुसऱ्या व्हिडीओ मध्ये आमदार महेंद्र दळवी दिसत आहेत. त्यानंतर दळवींनी खुलासा करत आरोप फेटाळले आहेत.

व्हिडीओ बॉम्बमुळे रायगडचं राजकारण चांगलंच पेटल्याचं दिसतंय. रायगडच्या महायुतीत गेल्या अनेक दिवसांपासून राष्ट्रवादी विरुद्ध शिवसेना संघर्षात या व्हिडीओमुळे नवी ठिणगी पडली आहे. सत्ताधारी विरोधकांमध्ये आरोप प्रत्यारोपांच्या फेरी झडू लागल्यात.