Ahmednagar city Vidhan Sabha: संग्राम जगताप महायुतीचा नगर सुभा राखणार की शरद पवारांचे कमळकर सुभेदार होणार?

अहिल्यानगर : पश्चिम महाराष्ट्रासाठी राष्ट्रवादी काँग्रेसच्या फुटीमुळे राजकारणात मोठी उलथापालथ झाली आहे. अनेक वर्षं ज्यांच्या विरोधात निवडणुका लढल्या त्यांच्याकरताच प्रचार करण्याची वेळ सामान्य कार्यकर्त्यांवर आली आहे. अहमदनगर शहर विधानसभा मतदारसंघ हा खरं तर एके काळी पश्चिम महाराष्ट्रातला शिवसेनेचा बालेकिल्ला होता. 1990 पासून 2009 पर्यंत सलग वीस वर्षं सेनेचे अनिल राठोड विधानसभा जिंकून आमदार झाले होते. 2014 ला चित्र बदललं. राष्ट्रवादीच्या संग्राम जगताप यांनी राठोडांचा पराभव करत नगरा सुभा जिंकला आणि गेली 10 वर्ष ते नगरचे आमदार आहेत. जगताप यांनी राष्ट्रवादी काँग्रेसमध्ये अजित पवार यांना साथ दिली. त्यामुळे या वेळी ते महायुतीचे उमेदवार म्हणून रिंगणात आहेत.