दोन्ही राष्ट्रवादी एकत्र येण्याची प्रक्रिया कुठपर्यंत आली? अंतिम निर्णय कधी जाहीर होणार? अजित पवार म्हणाले...

मुंबई : भारत आणि पाकिस्तान यांच्यात तीव्र संघर्ष सुरू असताना इकडे महाराष्ट्रात दोन्ही राष्ट्रवादीत 'मिले सूर मेरा तुम्हारा' असे चित्र पाहायला मिळाले. २२ महिन्यांचा विरह सहन केल्यानंतर राष्ट्रवादी काँग्रेसमधील नेत्यांना पुन्हा प्रेमाचे भरते आले आहे. ज्येष्ठ नेते शरद पवार यांनी दोन्ही राष्ट्रवादी एकत्र आल्या तर आश्चर्य वाटून घेऊ नये, असे विधान केल्याने दोन्ही पक्षातली दरी कमी होऊन लवकरच मनोमिलन होईल, अशी शक्यता वर्तवली जात आहे. फक्त मुहूर्त कधीचा आहे? यावर शिक्कामोर्तब होणे बाकी आहे. येत्या १० जूनला पक्षाचा २६ वा वर्धापनदिन आहे. त्याच दिवशी मोठी घोषणा होण्याची शक्यता आहे. दोन्ही पक्षातून आता एकत्र येण्यासाठीच्या हालचाली सुरू झालेल्या आहेत.